Tsakure:
Mawaƙan baka na Hausa sun yi fice a wajen shaʼanin gudanar da waƙoƙi na gargajiya. Shahararrun mawaƙan baka ba su tsaya a wannan ƙasar ba kawai, domin kuwa sun shiga waɗansu ƙasashe da dama irinsu Nijar da Ghana da Kamaru duk a kan shaʼanin gudanar da waƙoƙi don nuna fasaha da ɗimbin hikimomi da bayyana falsafarsu da kuma baje kolin basirorinsu a tsarin zamantakewa na al’ummar Hausawa. Manufar wannan takarda ita ce yin nazarin turken yabo da gargaɗi a waɗansu waƙoƙin. Za a daɗa fito da irin hangen nesan mawaƙa a kan yabo musamman yadda mawaƙan kan yabi iyayen gidansu da kuma gargaɗi a kan aiwatar da illar muganta a tsarin zamantakewar maʼana yadda za a rinƙa sara ana duban bakin gatari. Haka kuma bincike ya hau wani ra’i da aka ɗora binciken a kai sai aka kawo sakamakon bincike da kammaluwa da manazarta.
DOI: 10.36349/djhs.2024.v03i01.039
Fitilun Kalmomi: Turke, Yabo, Gargaɗi, Waƙoƙin Baka
author/Darma, A.Y. and Aliyu, L.
journal/GNSWH, April 2024
